Нэг л өөр мэдрэмж...зугтмаар

Нэг л ондоо цагалбар...оршмоор

Өвлийн хүйтэн цасан дунд нэгэн цэцэг ургана

Өнгөлөг бас үзэсгэлэнтэй ... шинэ 

Нэг л өөр мэдрэмж зугтмаар 

Нэг л өөр мэдрэмж оршмоор

 

Мөс шиг хүйтэн Гал шиг халуун хоёрын заагт 

Хүсэл бодол хоёр уралдсаар...

Монита ч гэнэ үү нэг сонирхолтой юм байх юм. Эхнэртэй хүнд эвгүй ч юм шиг... Эсвэл аятайхан ч юм уу ч юм уу?😜😅😝😝

яг энэ цас шиг... 

хэний ч мөр үлдээгүй цэвэр цагаан сэтгэл дээр

халуун алгаараа шүргэн уруулын хээтэй мөр үлдээсэн сэн 

яг энэ цас шиг ...

хөвсгөр зөөлөн зүрхэн хэлбэртэй хацар дээр

хүрч ядан анхны зам татуулсан сан 

тэгээд тэнгэр өөд ширтэн гараа алдлан хэвтэх үед

тэнд ... яг энд ... сэтгэлд ... 

Намайг өөртэй минь ойртуулсан бялзуухай

цээжийг минь дэрлээд гүн тод нойрссон сон

Чук...

Гүн их санаа алдаад дуугүй орхиход минь Гашуунаар инээгээд бардамнан чарлах чи сонс Ялах ялагдах аль аль нь энэ орчлонд хоосон гэдгийг Нялх балчир тархиндаа нугалаа үүстэл тунгаа Хайртай нь бүгдийг далдалдаг...дуугүй өнгөрнө Ухаант нь хэдийн ойлгосон...дуугүй өнгөрнө Туршлагатай нь үр дагаврыг тооцдог дүүгүй өнгөрнө Дуугүй орхисон мөч бүрийн тоогоор таахалзан баясах чи л ...

... үр дагаврыг нь хүртэнэ. Нүцгэн ирээд нүцгэн буцдаг хорвоод олон учир учиг бий ч Хөлс төлж аврал авдаггүй .....!!! Бидний хэмждэг нэгжээр Буян зардаг Бурхан ч гэж юу байх вэ,

Бузар арилгадаг номтон ч гэж юу байх вэ

-Чука

    Нэгэн эцэгтэй уулзлаа

    Нэрлэж болохгүй бүсгүйн сайхан аалийг 

    Нэхэн дурсаад удаан хөөрөлдлөө

    Талд нар мандана...

Өнөөдөр яруу найргийн өдөр гэнэ ээ Өндрөөс их өндрөөс орчныг ширтээд Өвлөн авсан бэлгээрээ зөгнөдөг мөч гэнэ ээ Өвгөдийн дууддаг Мөнх тэнгэр Эцэгт Өвдөг сөгдөн мэхийн, ёсолдог өдөр гэнэ ээ. Сэтгэл зүрхнээсээ сүнслэг дэлбээ хийсгээд Сарнитал нь чанга орилдог цаг гэнэ ээ муу муухайг

Ичсэн гэнэ ээ миний ...

        Энхрийлэн догдолж хайрлан ширтэж байх яг тэр үед 

        Ичээд байсан гэнэ ээ миний борхон

Цэцэг авахаар гарлаа 

  Сэтгэл үлэмж тэнэгэр санаа уужим сайхан

   Хажууд нь очоод үнслээ хачин сайхан инээлээ.

   Тэвэр дүүрэн сэтгэл цэцэгтэй хамт өгөөд

   Тамшаалж нүдээрээ илбэж талархан чанга тэвэрлээ

Тэр үед . Ичсэн гэнэ ээ надаас 

Цэцэг авахдаа будаж амжаагүй 

Цамцны  минь өнгөнөөс ичсэн гэнэ ээ... 

2024.04.26

Дэлхий даахааргүй их дурлалцаж дээ бидэн...

Дэлхий даахааргүй их хайрласан байж уу 

Өчигдөр би бас л од харлаа 

Өнөөх л хэвээрээ надтай ярьж байна 

Он цагийн элээсэн тэр богинохон хэт жинтэй мөчийг 

Өгүүлж байх юм цэг таслалгүй бүгдийг нь 

         Дэргэд минь татаж ирээд сэтгэлд минь үүрлэх юм 

         Дэлхий даахааргүй хайрласан байж уу... 

         Дасган дасгасаар хуваагдамгүй болсон хоёр биеийг             

         Даахгүйн ээ гээд нэгийг нь ураад авсан байх нь...

Хаачхав дээ би энд нөгөө нойроо дуртай орхиж 

Хаа хол хэний ч хүрэмгүй газарт аялна 

Хэнгэнэтэл санаа алдан ододтой дурлан ярилцаж 

Хэтэрхий хүнд богинохон үе ee  дурсан санана

        Эргээд тэр мөч ирвэл бодох ч үгүй хүссэнээр чинь ....

        Эмээлгүй тайлсан сэтгэл бүхнийг чинь авна аа

        Эгцэлж хараад хөөрхөн нүдтэй чинь ярилцаж 

        Энхрийлж дурлалцан байгаа бүхнээ өгнө өө...

         

бүхнээ зориулаад хайрлаж байна гэтэл 

дутуу байж уу? гэмээр 

хэсэгхэн зуурын өчүүхэн жаргалд автан 

өөр хүн болоод хаяад явбал яах уу? 

буцаад дэргэд минь аньсагандаа нулимстай сөхөрч суухад ...

асгарах дөхсөн сувдан сондор нь

Гэмшсэнээс бус орхигдсоноосоо байвал яах уу? 

Тэр нэгнээс